इजरायली सैन्य आधार शिविरमा हिजबुल्लाहको ड्रोन आक्रमण, ४ सैनिकको मृत्यु र ६० बढी घाइते
असोज २८, २०८१ सोमबार ९:४२:५१
तेल अभिभ : हिजबुल्लाहले उत्तरी इजरायलमा ड्रोन आक्रमण गर्दा ४ सैनिकको मृत्यु भएको छ। उत्तरी इजरायलमा रहेको सेनाको बेसलाई लक्षित गरी गरिएको आक्रमणमा ४ सैनिकको मृत्यु र अन्य ६० जनाभन्दा बढी घाइते भएको इजरायलको रक्षा बल (आईडीएफ)ले जनाएको बीबीसीमा उल्लेख छ।
आईडीएफका अनुसार आक्रमणमा सात सैनिकहरू गम्भीर घाइते भएका छन् । बीबीसीका अनुसार तेल अभिभ र हाइफाको बीचमा रहेको क्षेत्रमा इजरायली रक्षा बल (आईडीएफ) गोलानी ब्रिगेडको प्रशिक्षण शिविरलाई लक्षित गरिएको थियो ।
इजरायली सेनाले दक्षिणी लेबनान र बेरुतमा बिहीबार गरेको आक्रमण प्रतिउत्तरमा सैन्य आधार शिविरमा आक्रमण गरिएको हिजबुल्लाहको संचार कार्यालयले जनाएको छ।
प्रतिक्रिया दिनुहोस !
