मस्कको प्रतिदिन १० लाख डलर पुरस्कार दिने योजना, अमेरिकी सरकारले दियो चेतावनी
ट्रम्पको समर्थनमा एलोन मस्कले प्रतिदिन एक मतदातालाई १० लाख अमेरिकी डलर दिने योजना ल्याएका थिए।
कात्तिक ८, २०८१ बिहीबार ८:१०:५७
वासिङ्टन डिसी : अमेरिकी न्याय विभागले एलोन मस्कको अभियान अमेरिका पीएसीलाई चेतावनी पत्र पठाएको छ। अमेरिकी न्याय विभागले ट्रम्पको समर्थनमा एलोन मस्कको चुनावी अभियान संगठनलाई पत्र लेखेको हो ।
मतदातालाई प्रतिदिन १० लाख अमेरिकी डलर दिने मस्कको योजना कानुन उल्लंघनको दायरामा आउन सक्ने पत्रमा लेखिएको छ ।
एलोन मस्कको चुनावी अभियानमा पठाइएको पत्रको जानकारी पहिलो पटक सीएनएनले साझा गरेको थियो।
एलोन मस्कको अभियान अमेरिका पीएसीको यो पुरस्कार योजनामा सात स्विङ राज्यमा दर्ता भएका मतदाताहरूलाई एउटा याचिकामा हस्ताक्षर गर्न अपील गरिएको छ।
चुनाव नहुँदासम्म प्रत्येक दिन पिटिशनमा हस्ताक्षर गर्ने व्यक्तिमध्ये एकलाई एक मिलियन अमेरिकी डलर दिइनेछ। केही कानुनविद्हरूले यो पुरस्कार योजना गैरकानूनी हुनसक्ने बताइसकेका थिए ।
अक्टोबर १९ मा पहिलो चिठ्ठा चेक पेन्सिलभेनिया मा एक कार्यक्रममा एक व्यक्तिलाई दिइएको थियो। बीबीसी
प्रतिक्रिया दिनुहोस !
