आलोकनगरमा निर्माणाधीन घरको चौथो तलाबाट लडेर एकजना मजदुरको मृत्यु
कात्तिक ८, २०८१ बिहीबार ११:३८:३५
काठमाडौं : आलोकनगरस्थित एक घरको तलाबाट लडेर एकजना मजदुरको मृत्यु भएको छ। नुवाकोटको बेलकोटगढी नगरपालिका–५ का ४२ वर्षीय दिलबहादुर भुजेलको मृत्यु भएको प्रहरीले जनाएको छ।
जिल्ला प्रहरी परिसर काठमाडौका अनुसार काठमाडौं महानगरपालिका–३१ आलोकनगरमा भिटु श्रेष्ठको निर्माणाधीन घरमा काम गरिरहेका बेला लडेर उनको मृत्यु भएको हो । गम्भीर घाइते भएका उनको उपचारका क्रममा सिभिल अस्पतालमा मृत्यु भएको प्रहरीले जनाएको छ।
प्रतिक्रिया दिनुहोस !
