धनगढी : कैलाली प्रहरीले गोदावरी नगरपालिकाको तखरेगथाउँबाट गोलीसहितका दुई थान भरुवा बन्दुक बरामद गरेको छ । अस्थायी प्रहरी पोष्ट गोदावरीबाट खटिएको प्रहरी टोलीले कैलालीको गोदावरी नगरपालिकामा पर्ने चैतडा सामुदायिक जंगलको खोल्सोमा लुकाई–छिपाई राखेको अवस्थामा २ थान भरुवा बन्दुक बरामद गरेको हो ।
जिल्ला प्रहरी कार्यालय कैलालीले दिएको जानकारी अनुसार २ थान भरूवा बन्दुक, सोही बन्दुक नजिकै रहेको कालो रङको झोलाभित्र ४ ओटा फलाम र ४ ओटा सिसाको गोली र २ सय ग्राम बारुद पनि बरामद गरिको छ ।
प्रहरीले बन्दुक बरामद भएको सामुदायिक वनको नजिकै घर भएका लालबहादुर बुढामगरलाई नियन्त्रणमा लिएर अनुसन्धान सुरु भएको जनाएको छ । चुरे आसपासमा सिकार गर्नका लागि बन्दुकहरू लुकाएर राखिएको हुनसक्ने अनुमान प्रहरीले गरको छ ।
प्रतिक्रिया दिनुहोस !
