काठमाडौं : तीन जिल्लामा तीन जनाको शव फेला परेको छ। नवलपरासी पूर्वको गैंडाकोट नगरपालिका-६ बोटेटोलस्थित नारायणी नदीको किनारमा चितवन भरतपुर महानगरपालिका-७ उज्वल टोल बस्ने ५० वर्षीय दधिराम अधिकारी बुधबार मृत अवस्थामा फेला परेका छन्।
यसैगरी सिन्धुलीको मरिण गाउँपालिका-२ स्थित मरिण खोलामा सोही गाउँपालिका-३ बस्ने ७० वर्षीय आईते माझी बुधबार मृत अवस्थामा फेला परेका छन्।
यस्तै प्युठानको स्वर्गद्धारी नगरपालिका-९ डिबाङ बस्ने ६५ वर्षीय गजे खत्री प्युठान नगरपालिका-१ स्थित बलबाङमा बुधबार मृत अवस्थामा फेला परेका छन्।
खत्रीलाई स्वर्गद्धारी नगरपालिका-९ स्थित माडी खोलाले बगाएको भन्ने खबर प्राप्त हुनासाथ अस्थायी प्रहरी पोस्ट लामाचौरबाट खटिएको प्रहरीले स्थानीयको सहयोगमा खोजी गर्ने क्रममा उनको शव फेला परेको हो। घटनाबारे अनुसन्धान भइरहेको प्रहरीले जनाएको छ।
प्रतिक्रिया दिनुहोस !
