काठमाडौं : देशका विभिन्न जिल्लामा चार जनाको शव फेला परेको छ। नुवाकोटको ककनी गाउँपालिका-७ सिरुबारीस्थित भ्याकुरे खोलामा सोही गाउँपालिका-८ लामागाउँका ७१ वर्षीय असमान तामाङ शनिबार मृत अवस्थामा फेला परेका छन्।
सर्लाहीको बरहथवा नगरपालिका-११ डियरका ६५ वर्षीय राम कृपाल दास आफ्नै घरमा शनिबार मृत अवस्थामा फेला परेका छन्।
झापाको बाह्रदशी गाउँपालिका-३ राजगढ बजारस्थित बिस्कुट फ्याक्ट्रीमा सोही गाउँपालिका-१ बस्ने ४० वर्षीय सुनिल हेमरन सोही फ्याक्ट्रीको माथिल्लो तलाको कोठामा शनिबार मृत अवस्थामा फेला परेका छन्।
बाँकेको राप्तिसोनारी गाउँपालिका-२ गन्देली पुल नजिकै सडकमा हाल नाम, थर, वतन नखुलेका अन्दाजी ५० वर्षीय पुरुष शनिबार मृत अवस्थामा फेला परेका छन्। यसबारे आवश्यक अनुसन्धान गरिरहेको प्रहरीले जनाएको छ।
प्रतिक्रिया दिनुहोस !
