उदयपुर : उदयपुरमा ट्याक्टर र मोटरसाइकल ठोक्किदा एक जनाको ज्यान गएको छ। बुधबार साँझ त्रियुगा नगरपालिका-१३ असारीमा प्रदेश १-०५-००१ प.४२६ र विपरित दिसाबाट आउँदै गरेको स.१.त.५७४२ नंम्बरको ट्याक्टर एकआपसमा ठोक्किए दुर्घटना भएको हो।
दुर्घटनामा मोटरसाइकलमा सवार लक्ष्मीपुरका ४५ वर्षीय महादेव चौधरीको ज्यान गएको जिल्ला प्रहरी कार्यालयका सूचना अधिकारी डीएसपी राजन चापागाईले बताए। त्यसक्रममा उनका १० वर्षीय छोरा कृष्ण चौधरी र १५ वर्षीय छोरा दिवाकर गम्भीर घाइते भएको उनले बताए।
उनीहरूलाई जिल्ला अस्पतालमा प्रारम्भिक उपचारपछि थप उपचारका लागि विराटनगर पठाइएको छ। साँझको समयमा गाईघाटदेखि छोराहरूलाई लिएर घर जाँदै गरेका चौधरी र पूर्वबाट पश्चिमतर्फ जाँदे गरेको ट्याक्टर दुर्घटनामा परेको डीएसपी चापागाईंले बताए।
प्रहरीले ट्रयाक्टर चालक ३२ वर्षीय राजन बोटे र सहचालक सोही ठाउँका २४ वर्षीय अनिल सदालाई नियन्त्रणमा लिई थप अनुसन्धान सुरु गरेको छ।
प्रतिक्रिया दिनुहोस !
