नेपाल प्रिमियर लिगको टिकट खुला, यस्तो छ साधारण र भीआईपीतर्फको मूल्य
मंसिर १०, २०८१ सोमबार २०:४०:१६
काठमाडौं : नेपाल प्रिमियर लिगको टिकट मूल्य सार्वजनिक गरिएको छ। नेपाल क्रिकेट संघ (क्यान)ले सोमबार खेलहरूको टिकट दर सार्वजनिक गरेको हो।
क्यानले उद्घाटन, प्लेअप, फाइनल, नियमित खेल गरी छुट्टाछुट्टै टिकटको मूल्य राखेको छ। जसमा उद्घाटन खेलका लागि साधारणतर्फ ३ सय र भीआईपीतर्फ ७ सय मूल्य राखिएको छ। त्यस्तै प्लेअप खेलमा साधारणतर्फ ५ सय र भीआईपीतर्फ ७ सय मूल्य तोकिएको छ भने फाइनलमा साधाणतर्फ ५ सय भीआईपीतर्फ एक हजार मूल्य तोकिएको छ।
त्यस्तै त्यसबाहेकका खेलमा साधारणतर्फ ३ सय र भीआईपीतर्फ ५ सय मूल्य तोकिएको छ। पूरा सिजनका लागि टिकट किन्दा २० प्रतिशत छुटको व्यवस्था क्यानले गरेको छ। सिजनका लागि पास लिनुपर्दा साधारणतर्फ ४४८० र भीआईपतर्फ ८२४० रुपैयाँ तोकिएको छ। टियु क्रिकेट मैदानमा मंसिर १५ गतेदेखि नेपाल प्रिमिय लिग हुँदैछ। उद्घटन खेलमा विराटनर र जनकपुर भीड्नेछ।
प्रतिक्रिया दिनुहोस !
