कपिलवस्तु : प्रहरीले हतियारसहित एकजनालाई मायादेवी गाउँपालिका वडा नम्बर- ६ डुमराबाट एकजनालाई पक्राउ गरेको छ । पक्राउ पर्नेमा सोही वडाका २१ वर्षीय सद्दाम हुसेन फकिर रहेको प्रहरी नायब उपरीक्षक मोहन मणि अधिकारीले बताए ।
फकिरले मोटरसाइकल चोरी गर्न लागेको गोप्य सूचना प्राप्त हुनासाथ इलाका प्रहरी कार्यालयबाट खटिएको प्रहरी टोलीले उनलाई पक्राउ गरेको हो । खान तलास गर्दा उनको शरीरमा बाँधेर राखिएको अवस्थामा एक थान पेस्तोल बरामद भएको ईलाका प्रहरी कार्यालय पकडीका प्रहरी निरीक्षक कमल क्षेत्रीले बताए ।
पक्राउ परेका फकिरको साथमा कालो रंगको ४.५ मिली मिटर क्यालिवरको डेन्जर ट्यए एयर पेस्तोल १ थान, सोही पेस्तोलमा लाग्ने छर्रा ४३ थान, सोही पेस्तोलमा प्रयोग हुने धमाका ६ थान बरामद गरिएको जिल्ला प्रहरी कार्यालयले जनाएको छ ।
उनीमाथि हात हतियार तथा खरखजानासम्बन्धी कसुर मुद्दामा थप अनुसन्धान हुने प्रहरीले जनाएको छ।
प्रतिक्रिया दिनुहोस !
