चितवन : सहकारी ठगीका आरोपी राष्ट्रिय स्वतन्त्र पार्टीका सभापति रवि लामिछानेलाई चितवन ल्याइएको छ । रकम अपचलनको मुद्धामा बयान लिनका लागि लामिछानेलाई जहाज मार्फत मंगलवार विहान भरतपुर ल्याइएको हो ।
चितवन साहारा बहुउद्देश्यीय सहकारी संस्थाको बचत रकम अपचलनको मुद्धामा लामिछानेलाई चितवन ल्याइएको हो । विमानस्थलमा ओर्लिनेबित्तिकै जिल्ला प्रहरी कार्यालय लगिएको थियो । त्यसपछि बयानका लागि सिधै सरकारी वकिलको कार्यालयमा लगिने चितवन प्रहरीले जनाएको छ ।
चितवन साहारा सहकारीको रकम अपचलनको विषयमा पीडितहरुले पछिल्लो पटक रास्वपा सभापति लामिछानेसहित १० जनाविरुद्ध पुरक जाहेरी दिएका थिए । भरतपुर विमानस्थलमा ठूलो संख्यामा सुरक्षाकर्मी परिचालन गरिएको थियो ।
प्रतिक्रिया दिनुहोस !
