काठमाडौं : नेपाल प्रिमियर लिग(एनपीएल)को एघारौं दिनको पहिलो खेलमा विराटनगर किंग्सले पोखरा एभेन्जर्सविरुद्ध १० ओभरमा ६१ रन बनाएको छ ।
किर्तिपुरस्थित त्रिवि क्रिकेट मैदानमा टस जितेर ब्याटिङ गरेको विराटनगरले १० ओभरमा ३ विकेट गुमाउँदै ६१ रन बनाएको हो ।
विराटनगरले पावरप्लेमा २ विकेट गुमाउँदै ३४ रन बनाएको थियो। विराटनगरले पहिलो विकेटका रुपमा ओपनर मार्टिन गप्टिललाई ५ रनमा गुमायो । उनलाई पोखराका बायाँ हाते अर्थोडक्स सागर ढकालले ४.३ ओभरमा आउट गरे।
अर्का ओपनर लोकेश बमलाई रेमोन रेफरलाई कट एण्ड बोल्ड गरे । उनी पावर प्लेकोअन्तिम बलमा आउट भएका हुन् । उनले १६ बलमा २ चौका र २ छक्का सहित २६ रन बनाए ।
७.१ ओभरमा नरेन भट्ट ४ रन बनाउँदै दिनेश खरेलको बलमा सागर ढकालबाट क्याच भए । त्यसपछि हाल क्रिजमा स्कट इड्वार्ड ११ र निकोलस क्रिटोन १३ रन बनाएर खेलिरहेका छन् ।
प्रतिक्रिया दिनुहोस !
