काठमाडौं : नेपाल प्रिमियर लिग(एनपीएल)को एघारौं दिनको दोस्रो खेलमा काठमाडौं गुर्खाजले पावरप्लेमा ३५ रन बनाएको छ । कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको काठमाडौंले पावरप्लेमा २ विकेट गुमाउँदै ३५ रन बनाएको हो ।
काठमाडौंले पहिलो विकेटका रुपमा ओपनर माइकल लेभिटलाई २.३ ओभरमा गुमायो । उनलाई किशोर महतोले मोहम्मद मोसिनको हातमा क्याच गराए । उनले ६ बलमा १ छक्का प्रहार गरेका ८ रन बनाउँदै आउट भए ।
दोस्रो विकेट भिम सार्कीको विकेट गुम्यो । उनले ११ बलमा १ चौकासहित ४ रन बनाउँदै मोहम्मद मोसिनको बलमा अनिल शाहको हातमा क्याच भए । पावरप्ले सकिँदा गेरहार्ड इरास्मस शून्य र स्टेफन इस्किनाजी १७ रनमा खेलिरहेका छन् ।
काठमाडौंले ४ खेलमा २ हार र २ जित दर्ता गरेको छ । यो काठमाडौंको पाँचौं खेल हो । जनकपुरको भने यो छैटौं खेल हो । जसमा जनकपुरले ४ जित र १ हारसहित ५ खेल सकेको थियो ।
प्रतिक्रिया दिनुहोस !
