काठमाडौं : नेपाल प्रिमियर लिग (एनपीएल) को ११औं दिनको दोस्रो खेलमा जनकपुर बोल्ट्सले काठमाडौं गुर्खाजविरुद्ध सुस्त सुरुवात गरेको छ।
टियु क्रिकेट मैदानमा काठमाडौंले दिएको १०२ रनको लक्ष्य पछ्याएको जनकपुरले पावरप्लेमा दुई ओपनरलाई गुमाउँदै २४ रन बनाएको छ।
जनकपुरले पहिलो विकेटका रुपमा ४.३ मा ओपनर लाहिरु मिलान्था विकेट किपर राजु रिजालबाट क्याच आउट भए। उनले २० बलमा २ चौकासहित १६ रन बनाए।
दोस्रो विकेटका रूपमा ओपनर आसिफ शेख ९ बलमा जम्मा २ रन बनाउँदै गेरहार्ड इरास्मासको हातमा टियु एण्डमा क्याच भए। काठमाडौंका लागि दुवै विकेट कप्तान करण केसीले लिए।
प्रतिक्रिया दिनुहोस !
