काठमाडौं : त्रिवि क्रिकेट मैदानमा जारी नेपाल प्रिमियर लिग (एनपिएल) मा आज २ खेल हुने छ। एनपीएलको अरु दिनको जस्तै आज पनि पहिलो खेल बिहान ९ बजेबाट तथा दोस्रो खेल दिउँसो १ बजेबाट सुरु हुने छ।
पहिलो खेलमा काठमाडौँ गुर्खाज र विराटनगर किङ्ग्स भिड्ने छन्। साथै आज हुने दोस्रो खेलमा एभेन्जर्स र सुदूरपश्चिम रोयल्स भिड्ने छन्।
सुदूरपश्चिमको आज हुने खेल छैटौं खेल हो। अघिका भएका ४ खेलमा जीत तथा एक खेलमा हार वेहोरेको सुदूरपश्चिम अंक तालिकाको दोस्रो स्थानमा रहेको छ।
यसअघि खेलेका छ खेलमध्ये काठमाडौँ तीन खेलमा मात्र विजयी भएको छ। विराटनगर किङ्ग्सले छमध्ये दुई खेल मात्र जितेको छ। पोखराको भने आजको खेल अन्तिम खेल हो। पोखराले पनि हालसम्म दुई खेलमात्र जित हात पारेको छ।
दुवै टोलीको यो समूह चरणको अन्तिम खेल हो।
प्रतिक्रिया दिनुहोस !
