काठमाडौं : किशोरीको हत्या गरेको आरोपमा एकजना पक्राउ परेका छन्। पक्राउ पर्नेमा धादिङको गजुरी गाउँपालिका-३ घर भई काठमाडौं महानगरपालिका-१४ खड्का गाउँ बस्ने २४ वर्षीय विश्वास तामाङ रहेका छन्।
चन्द्रागिरी नगरपालिका-१०, सतुङगल खरिबोट डेरा गरी बस्ने धादिङ गजुरी गाउँपालिका-४ घर भएकी १७ वर्षीया सरिता तामाङको हत्या गरेको आरोपमा उनलाई बुधबार राति प्रहरीले पक्राउ गरेको हो।
सरिता आफ्नै कोठामा बुधबार दिउँसो मृत अवस्थामा फेला परेको घटनाको अनुसन्धानका क्रममा जिल्ला प्रहरी परिसर काठमाडौंबाट खटिएको प्रहरीले घटनामा संलग्न विश्वासलाई पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।
प्रतिक्रिया दिनुहोस !
