काठमाडौं : नेपाल प्रिमियर लिग (एनपीएल)को दोस्रो क्वालिफायरमा कर्णाली याक्सले दिएको ११९ रनको लक्ष्य पछ्याएको जनकपुर बोल्ट्सले पावरप्लेमा २६ रन बनाएको छ। टियु क्रिकेट मैदानमा जनकपुरले पावरप्लेमा ३ विकेट गुमाउँदै २६ रन बनाएको हो। जनकपुरले दुवै ओपनरलाई सस्तैमा गुमायो।
ओपनर शुभ कन्साकर ३ र आसिफ शेख ४ रनमा क्याच भए। तेस्रो विकेट लाहिरु मिलान्था २ रनमा क्याच हुँदा जनकपुरको ब्याटिङ धरापमा परेको हो। कर्णालीका लागि सोमपाल कामी, विपिन शर्मा र विलियम वासिस्टोले समान १/१ विकेट लिए।
आजको खेलको विजेताले फाइनलमा सुदूरपश्चिम रोयल्ससँग खेल्नेछ ।
प्रतिक्रिया दिनुहोस !
