काभ्रे : जिल्लाको रोशी गाउँपालिका वडा नम्बर १ का वडाध्यक्ष श्रीदास लामाको उपचारका क्रममा निधन भएको छ। वडाध्यक्ष लामा लामो समयदेखि क्यान्सर रोगको उपचार गर्दै आएका थिए। आइतबार उनको उपचारका क्रममा अस्पतालमा मृत्यु भएको गाउँपालिकाले विज्ञप्ति मार्फत जनाएको छ।
नेकपा एमाले जिल्ला कमिटी सचिवालय सदस्य लामाको निधनप्रति नेकपा एमाले काभ्रेले शोक वक्तव्य जारी गरेको छ। एमाले काभ्रेका अध्यक्ष राजन भुर्तेलले जारी गरेको शोक वक्तव्यमा लामा पार्टीको कुशल र जुझारु नेताको साथै अन्त्यन्तै जनप्रिय जनप्रतिनिधि रहेको उल्लेख गरिएको छ।
उनको निधनले जिल्लाको कम्युनिस्ट आन्दोलनमा अपुरणीय क्षति पुगेको शोक वक्तव्यमा उल्लेख छ। लामा २०७४ को निर्वाचनमा पनि वडाध्यक्षमा निर्वाचित भएको थियो।
प्रतिक्रिया दिनुहोस !
