नुवाकोट : नुवाकोटको वेलकोटगढीस्थित एक विद्यालयमा अध्यनरत विद्यार्थीहरूलाई न्यानो कपडा वितरण गरिएको छ। बेलकोटगढी-७ महादेवफाँटमा रहेको महादेव माविमा अध्ययनरत साढे पाँच सय विद्यार्थीहरूलाई न्यानो कपडा वितरण गरिएको हो।
सो विद्यालयमा अध्ययनरत ५ सय ७६ जना विद्यार्थीलाई न्यायो कपडा वितरण गरिएको हो। एक संस्थाको सहयोगमा विद्यालयमा अध्ययनरत विद्यार्थीहरूलाई ट्रयाक र ट्राउजर वितरण गरिएको विद्यालयले जनाएको छ।
नुवाकोटको पुरानो विद्यालयको रुपमा रहेको सो विद्यालयमा हाल ५ सय ७६ जना विद्यार्थी अध्ययनरत छन्। भौतिक संरचनासहित शिक्षकहरूका लागि अध्यापन गराउने ल्यापटपदेखि अन्य प्रविधिहरूको सुविधासहित विद्यालयमा विज्ञान प्रयोगशाला, खेलकुद मैदान, विद्यार्थीहरूका लागि बसको व्यवस्था समेत रहेको छ।
प्रतिक्रिया दिनुहोस !
