प्रतिष्ठित गोल्छा अर्गनाइजेसनको सदस्य सांग्रिला मोटर्स प्रालिले नयाँ वर्षको विशेष अवसर पारेर ‘नयाँ वर्ष एक्सचेन्ज कार्निभल २०२५’ को घोषणा गरेको छ।
यस कार्निभललाई नयाँ वर्ष जस्तै नविनतम एवम् अविस्मरणीय उत्सवका रूपमा सम्पन्न गर्ने लक्ष्य कम्पनीले लिएको छ। यही डिसेम्बर २७ र २८ मा गैरीधाराको सिल्भर ओकमा आयोजना हुन लागेको दुई-दिने यस कार्यक्रममा नयाँ वर्षको सुरुवातसँगै अटोमोटिभ दुनियाँका उत्कृष्ट अनुभवहरू अन्वेषण गर्ने अवसर प्राप्त हुनेछ।
यस विशेष कार्निभलमा तीन उल्लेखनीय अटोमोटिव ब्रान्डहरू-लिपमोटर, सिट्रोएन, र प्युजो-प्रदर्शन गरिनेछ। यी ब्रान्डहरूले अत्याधुनिक प्रविधि, विविध शैली र प्रदर्शनलाई एउटै छानामुनि प्रस्तुत गर्दै छन्। यस कार्निभलमा सहभागीहरूले आकर्षक अफरहरूको फाइदा लिन सक्नेछन् साथै आफ्नो पुरानो गाडीको लागि उत्कृष्ट मूल्यांकन र सहज फाइनान्सिङ सुविधाको उपयोग गरी आफ्नो सपनाको गाडी खरिद गर्न सक्नेछन्।
यस कार्यक्रमले सहभागीहरूलाई नयाँ मोडेलहरूको टेस्ट ड्राइभ गर्ने अवसर पनि प्रदान गर्नेछ जसले ती गाडीहरूको लक्जरियस, प्रफर्मेन्स र आधुनिक प्रविधिको विशेषताहरू प्रत्यक्ष अनुभव गर्न पाइनेछ।
प्रतिक्रिया दिनुहोस !
