तानसेन : पाल्पाको तिनाउ गाउँपालिका–३, सिद्धबाबा क्षेत्रमा आइतबार दिउँसो खसेको ढुंगा–माटोसहितको पहिरोका कारण अवरुद्ध भएको सडक सञ्चालनमा आएको छ।
करिब २ घण्टा अवरुद्ध भएको सडकमा खसेको पहिरो पन्छाएपछि अहिले दुईतर्फी रूपमा सडक सञ्चालनमा आएको जिल्ला प्रहरी कार्यालय पाल्पाका सूचना अधिकारी एवं डीएसपी होम प्रकाश चौधरीले बताए।
सिद्धबाबा क्षेत्रमा खसेको पहिरो सिद्धबाबा सुरुङमार्ग आयोजनाले हटाएपछि दुईतर्फी रूपमा यातायात सञ्चालनमा आएको पाल्पा प्रहरीले जनाएको छ।
सिद्धबाबा क्षेत्रमा ठूलो पानी परेपछि ठूलो ढुंगा र माटो सडकमा थुप्रिँदा दुवै तर्फका सवारी साधन रोकिएका छन्। निरन्तर वर्षाका कारण सो क्षेत्रमा पहिरो खस्ने जोखिम बढेकोले प्रहरी तथा प्रशासनले यात्रु तथा सवारी साधन चालकलाई सतर्कता अपनाउन अनुरोध गरेको छ।
प्रतिक्रिया दिनुहोस !
