काठमाडौ: सशस्त्र प्रहरी बलका डिआइजी शैलेन्द्र खनाल र जीतबहादुर पुन सशस्त्र प्रहरी अतिरिक्त महानिरिक्षक (एआईजी) पदमा बढुवा भएका छन ।
बिहीवार बसेको मन्त्रिपरिषद्को बैठकले खनाल र पुनलाई एआइजीमा बढुवा गर्ने निर्णय गरेको हो ।
गृह सचिव नारायण गोपाल मलेगो अध्यक्ष रहेको वढुवा समितिले वैशाख २४ गते खनाल र पुनलाई वढुवा गर्न सिफारिस गरेका थियो ।
वढुवा समितिले गरेको निर्णयविरुद्ध डिआइजीद्वय पुष्पराम केसी र उत्तम खडकाले पुनरावलोकनको माग गदै उजुरी समितिसमक्ष उजुरी गरेका थिए । उजुरी समितिले खनाल र पुनको वढुवा सिफारिस कानुनसम्मत भएको भन्दै वढुवा समितिको सिफारिसलाई सदर गरेको थियो ।
पुनरावलोकनका लागि सँगै उजुरी समिति गएका केसी र खडकामध्ये खडकाले समितिको निर्णय समेत चित्त बुझ्दो नभएको भन्दै वढुवाको सिफारिस कार्यान्वयन नगर्न भन्दै सर्वोच्चमा रिट दायर गरेका थिए ।
अदालतले खड्काले मागेजस्तो अन्तरिम आदेश दिन नपर्ने भनेपछि खनाल र पुनको बाटो खुलेको थियो ।
डिआईजी केसीले उजुरी समितिको निर्णय स्वीकार्दै आफुले आर्जन गरेको व्यवयायिक छवीको जगेर्ना गर्दै भावि पुस्तामा पर्न सक्ने नकरात्मक सन्देश प्रति संवेदनशिल भएर सर्वोच्च अदालत गएनन । पद प्राप्ति भन्दा पनि संगठनको व्यवसायिकतालाई प्रमुख प्राथामिकता ठान्दै डिआइजी केसी अदालत नगएको र उनलाइ अदालत नजान संगठनले समेत सुझाएकाले उनी अदालत नगएको केसी निकटस्थ एक एआइजीले अन्नपुर्णलाई वताए ।
प्रतिक्रिया दिनुहोस !
