सिंगापुर: यहाँको चाङ्गी एयरपोर्टमा सोमवार बिहान सिंगापुर एयरलाइन्सको एक प्लेनमा अचानक आगो लाग्यो । बोइक ७७७-३०० ईआर प्लेन इटाली उड्नै लागेका बेला आगो लागेको हो ।
एयरलाइन्स कम्पनीले जनाएअनुसार तत्काल उद्धार गरिएकाले कोही यात्रु घाइते नभएको जनाएको छ ।
अर्कातिर एक यात्रुले भने, 'हामी बाँच्न त बाँच्यौ तर मृत्यु एकदमै नजिक छ । प्लेनमा २२२ जना यात्रु र १९ जना चालक दलका सदस्य थिए ।
जानकारीका अनुसार यो बोइङ्ग एयरक्राफ्ट सिंगापुरबाट मिलान गइसकेको थियो । तर इन्जन आयलसँग जोडिएको खराबी पत्ता लागेपछि जहाजलाई तत्कालै फर्कन भनिएको थियो ।
एयरलाइन्स कम्पनीले पनि यो घटनाको पुष्टि गरेको छ।कम्पनीका अनुसार जहाज जब सिंगापुरबाट उडेर इटालीका लागि प्रस्थान गरेको एक घन्टा ४५ मिनेटपछि फर्काइएको थियो ।
आपतकालिन सेवाका कर्मचारीले तत्कालै यात्रुलाई भर्याङ लगाएर झारेका थिए । एयरलाइन्सका अनुसार यो जहाजका यात्रुलाई अर्को जहाजबाट इटालीको मिलान पठाइयो ।
सिंगापुर एयरलाइन्सका एक प्रवक्ताले भने, 'जहाजले एक घन्टा ४५ मिनेटको मिनेटको उडान गरिसकेको थियो । आगो लागेपछि हामीले फर्किन भन्यौं ।
अन्तिम पाँच मिनेट जहाज र यात्रुकालागि धेरै खतरानक थियो । जहाज अवतरण भएपछि आपतकालिन सेवाका कर्मचारीले पानी हालेर आगो निभाएका थिए ।
प्रतिक्रिया दिनुहोस !
