बाढीका कारण मालढुंगा-बेनी सडक अवरुद्ध
कुश्माः अबिरल बर्षाका कारण पर्वतको मालढुङ्गादेखि म्याग्दी र मुस्ताङ जोड्ने एकमात्र सडक मालढुंगा-बेनी सडक अवरुद्ध बनेको छ ।
सडक खण्डमा पर्ने पर्वतको नाङलीवाङ गाविस-२ खनियाघाटको ज्यामिरे खोलामा आएको बाढीका कारण सडक दिउँसोदेखि अबरुद्ध बनेको हो ।
खोलाले ठुलो मात्रामा माटो र ढुंगा सडकमा थुपारेका कारण सडक अबरुद्ध बनेको प्रहरीले जनाएको छ ।
सडक अवरुद्ध हुँदा हिमालपारीको जिल्ला मुस्ताङ र म्याग्दीबाट छुटेका लामो तथा छोटो दुरीका सवारीसाधान र अन्य क्षेत्रबाट ति जिल्लामा भित्रिने सवारीसाधान अलपत्र बनेका छन् ।
अत्याधिक ठूलो वर्षा परेकाले तत्काल सडक खुलाउन समस्या परेको छ । वर्षाका कारण यात्रुहरु समेत अलपत्र परेका छन् ।
सडक खुलाउनका लागि डोजर र सुरक्षाकर्मी घटनास्थलतर्फ पठाउने तयारी भैरहेको जिल्ला प्रहरी कार्यालय पर्वतले जनाएको छ ।
प्रतिक्रिया दिनुहोस !
