मुग्लिन-नारायणगढ सडक एकतर्फी खुल्यो
काठमाडौं: बिहानैदेखि पहिरोले अवरुद्ध नारायणगढ-मुग्लिन सडक एकतर्फीरुपमा सुचारु भएको छ ।
जिल्ला प्रहरी कार्यालय चितवनका अनुसार अविरल वर्षा र पहिरोका कारण अवरुद्ध मुग्लिन-नारायणगढ सडकखण्ड आज अपरान्ह साढे ४ बजेबाट एकतर्फीरुपमा सुचारु भएको हो ।
गएरातिदेखि निरन्तर भएको वर्षासँगै नारायणगढ–मुग्लिन सडकखण्डको विभिन्न चार स्थानमा ठूला पहिरो खसेपछि सवारीसाधनको आवतजावत ठप्प भएको थियो ।
सडक खण्डको चार किलो, पाँच किलो, जलवीरे र भालुढुङ्गामा माथिबाट खसेको ठूलो पहिरोलाई पन्छाइएपछि नारायणगढ–मुग्लिन सडक एकर्तफी खुलेको हो ।
प्रतिक्रिया दिनुहोस !
