दलमर्दन कामी बचाऔँ अभियान
काठमाडौँ: ‘दलमर्दन कामी बचाऔँ' अभियानको तेस्रो दिन ८३ हजार रुपैयाँ नगद सहयोग प्राप्त भएको छ । प्राप्त सहयोगलाई कुमारी बैंकको खाता नम्बर केबीटी-५७४८-केपीटीमा जम्मा गरिएको संयोजक देव लिम्बूले जानकारी दिए ।
अभियानमा देश विदेशका विभिन्न ठाउँबाट प्राप्त भइरहेको लिम्बूले जानकारी दिएका छन् । सहयोग गर्ने प्रतिबद्धता आइरहे पनि सम्पूर्ण रकम भने प्राप्त भइसकेको छैन ।
अभियानमा सहयोग गर्नेमा मुनिन्द्र बस्नेत ७ हजार, मेम चाम्लिङ ५ हजार, विकास घिमिरे १५ हजार, मदन राई १० हजार, इसुजंग कार्की २५ हजार, दीपक सिलवाल ५ हजार, पर्शुराम गिरी ५ हजार, श्याम क्षेत्री ५ हजार, विसन राई ५ हजार, इवन राई १ हजार रहेका छन् ।
यस अघि ‘दलमर्दन कामी बचाऔँ' अभियान चलाउँदै पत्रकार र स्थानीय नागरिकले उनको जीवन रक्षाका लागि आर्थिक सहयोग गरिदिन याचना गरेका थिए । चिकित्सकको भनाइ अनुसार कामीको मुटुमा प्वाल परेको छ र, तुरुन्तै उक्त प्वाललाई नटाल्ने हो भने अझै बढी गम्भीर समस्या देखिने बताइएको छ । कामीलाई गंगालाल हृदय रोग केन्द्र बाँसबारीमा लगिएको संयोजक लिम्बूले जानकारी दिए ।
आर्थिक सहयोगका लागि कमलादेवी हेमचुरी (९८०२६५६७८९) काठमाडौँ, देउप्रसाद लिम्बू (९८५१०५८३९५) ललितपुर र नवराज विष्ट (९८४२०८३५२६) ललितपुरमा सम्पर्क गर्न अनुरोध गरिएको छ । बैंक खाता मार्फत रकम जम्मा गरिदिने महानुभावलाई सुशीला विश्वकर्मा र देउप्रसाद लिम्बूको नाममा रहेको खाता नम्बर केबीटी-५७४८-केपीटीमा जम्मा गरिदिन अनुरोध गरिएको छ ।
प्रतिक्रिया दिनुहोस !
