'सुल्तान' ले पाँच दिनमै कमायो दुई सय करोड
नयाँ दिल्ली: सलमान खानको फिल्म 'सुल्तान' ले बलिउड बक्स अफिसमा कमाल गर्ने क्रम जारी छ । हिन्दी फिल्म उद्योगमा 'सुल्तान' केबल ५ दिनमै २ सय करोड रुपैयाँ आम्दानी गर्ने पहिलो फिल्म पनि बन्न सफल भएको दाबी भारतीय सञ्चारमाध्यमले गरेका छन्।
६ जुलाईमा रिलीज भएको सुल्तानले मानिसहरुमाथि जादु चलाइरहेको छ । सलमानका करोडौं फ्यान उनको फिल्म हेर्नका लागि फिल्म हलमा लाइन लाग्ने क्रम जारी छ ।
ईदका अवसरमा रिलिज भएको सुल्तानले बुधवार ३६.५४ करोड, बिहीबार ३७.३२ करोड, शुक्रवार ३१.६६ करोड र शनिवार ३७.१० करोड आम्दानी गर्न सफल भएको थियो ।
चर्चित फिल्म ट्रेन्ड विश्लेषक तरण आदर्शले ट्वीट गर्दै बताए अनुसार सुल्तान केबल पाँच दिनमा २ सय करोड कमाउने पहिलो फिल्म बनेको छ ।
आइतबारको आम्दानीको पुरा विवरण नआएपनि विश्वभरमा यो फिल्मले दुई सय करोड कमाइसकेको आदर्शको दाबी छ। यो फिल्मले पाँचौ दिन अर्थात आइतबार ३९ देखि ४० करोड रुपैयाँ आम्दानी गरेको अनुमान छ ।
भारतको मात्रै कमाइको चर्चा गर्ने हो भने सुल्तानले सलमानकै अघिल्लो फिल्म बजरंगी भाइजानलाई पनि पछि पारिसकेको छ।
बजरंगी भाइजानले रिलिज भएको पहिलो सातमा १०३ करोड कमाउन सफल भएको थियो । तर सुल्तान पहिलो सातामै दुई सय करोडको आँकडा पार गर्न सफल भइसकेको छ।
What's REMARKABLE is that #Sultan has crossed *lifetime biz* of several biggies in just 5 days... All set for ₹ 200 cr... WOW!
— taran adarsh (@taran_adarsh) July 11, 2016
प्रतिक्रिया दिनुहोस !
