माओवादीले सरकार छाडेको थाहा छैनः नारायणकाजी
काठमाडौंः नेकपा माओवादी केन्द्रका एक वरिष्ठ नेता नारायणकाजी श्रेष्ठले पार्टी सरकारबाट बाहिरिएको बारे आफूलाई कुनै जानकारी नभएको बताएका छन् ।
माओवादी केन्द्रले सरकार छाडेकोबारेमा अन्नपूर्ण अनलाइनसँग कुरा गर्दै नेता श्रेष्ठले आफू पूर्णत अनभिज्ञ रहेको बताउँदै श्रेष्ठले भने, ‘मैले तपाईंहरुको अनलाइन, एफएम र सर्वसाधरणबाबाट यो कुरा सुनेको हुँ । अन्य विषयमा कुनै जानकारी छैन ।’
उनले माओवादीले सरकार छाड्ने निर्णयबारे आफ्ना केही कुरा रहेको बताउँदै त्यसबारेमा पार्टी केन्द्रमा कुरा राख्ने बताएका छन् ।
श्रेष्ठको यो भनाइले माओवादी केन्द्रले सरकार छाड्ने निर्णय अध्यक्ष पुष्पकमल दाहाल ुप्रचण्डु को एकलौटी निर्णयबाट भएको आकलन गर्न थालिएको छ ।
श्रेष्ठले अनिभज्ञता प्रकट गरिरहँदा माओवादी केन्द्रका अन्य नेताहरुद्ये पनि जानकारी नदिई सरकारबाट हात झिकेको भन्दै आपत्ति नै जनाएका छन् ।
प्रतिक्रिया दिनुहोस !
