मोडलिङ र अभिनयमा तुलसाको चर्चा
काठमाडौँ: पछिल्ला दिनमा मोडलिङ र अभियनमा थुप्रै नयाँ कलाकार आए पनि चर्चामा छन् तुलसा कटुवाल । दर्जनौ म्यूजिक भिडियोमा अभिनय गरिसकेकी तुलसा अभिनयका विभिन्न क्षेत्रमा आफूलाई अब्बल देखाउछिन् ।
चलचित्रमा अभिनयका लागि थुप्रै अफर आएको तर स्क्रिप्ट पढेपछि आफूलाई फिट हुने र चित्तबुझ्दो रोल नपाएर सहभागी नभएको तुलसाको भनाइ छ । मोडलिङ क्षेत्रमा नबुझेका मान्छेको प्रवेशले विकृति बढेको उनको बुझाइ छ । ‘यो क्षेत्रमा नबुझेका मानिस अन्धाधुन्ध प्रवेश गर्नाले मोडलिङमा प्रतिस्पर्धा भन्दा बढी विकृति देखिएको छ,' तुलसाले भनिन् ।
रामजी खाँड, अर्जुन मुखिया, धीरेन शाक्य लगायत थुप्रै कलाकारसँग उनले काम गरेकी छन् ।
शिव परियारको ‘मैले माया तिमीलाई र रञ्जित लामाको ‘चौबन्दी तुनामा' उनका चर्चित गीत हुन् । उनको चर्चित म्युजिक भिडियो भने ‘साउनी मुसुक्कै पैसा भुसुक्कै' बोलको हो ।
प्रतिक्रिया दिनुहोस !
