केली जेनर गर्भवती
अमेरिकी टेलिभिजन स्टार केली जेनर गर्भवती भएको प्रसंगले उनी चर्चामा छिन् । यो प्रसंगको सुरुवात उनले नै गरेकी हुन् । १८ वर्षीया केलीले उनी गर्भवती भएको अर्थ लाग्ने प्रसंग सामाजिक सञ्जालमा पोस्ट गरेपछि चर्चा सुरु भएको हो ।
केही समयपहिले प्रेमी र्यापर टाइगाबाट आफूले बच्चा चाहेको अभिव्यक्ति दिएकी केली अहिले गर्भवती रहेको धेरैको अनुमान छ । सानो उमेरमै सफलताको स्वाद चाखेकी केलीको सेक्सी छवि र विन्दास जीवनशैलीले धेरैलाई लोभ्याएको छ । प्रेमी टाइगाबाट बच्चा चाहेको अभिव्यक्तिपछि उनको एक्कासि धेरै चर्चा भएको हो ।
केलीले भने आफू गर्भवती भएको हल्लाको खण्डन गर्दै आफ्नै पोस्टले फसाएको बताएकी छन् । आफू कसैको प्रेममा रहे पनि यति सानै उमेरमा गर्भवती भएको भन्ने हल्लाबाट आफू दुःखी भएको उनले स्पस्ट पारेकी छन् । उनको २६ वर्षीया प्रेमी टाइगासँगको उमेर फरकका कारण पनि यो जोडीको चर्चा हुने गरेको छ ।
टाइगाभन्दा केली आठ वर्ष कान्छी हुन् । टाइगाले भने केली जेनर आफूभन्दा धेरै सानी भए पनि उनी कस्तो प्रकारकी छन् भन्ने राम्ररी बुझेको र उनलाई आफूले धेरै सहयोग र गाइड गर्न सक्ने बताएका छन् । ‘केली वास्तवमै असल युवती हुन्’, टाइगाले भनेका छन् ।
सन् २०१४ देखि प्रेमसम्बन्धमा रहँदै आएका उनीहरूले आफ्नो सम्बन्धलाई सार्वजनिक पनि गरिसकेका छन् । एकअर्काप्रति निकै विश्वास र माया गर्ने गरेका यो जोडीले गर्भवती भएको चर्चा मन पराएका छैनन् । स्रोतका अनुसार सञ्चारमाध्यममा यो प्रसंग आएपछि टाइगाले केलीलाई, ‘तिमी गर्भवती भएको हो त ? ’ भनेर सोधेका छन् ।
केलीले आफ्नो उमेर सानै भएकाले अहिले नै विवाह नगर्ने र बच्चा पनि नजन्माउने स्पष्ट पारेकी छन् । विभिन्न प्रसंगमा चर्चा र विवादमा आइरहने केलीले ओठको सर्जरी गरेको हल्ला नसेलाउँदै गर्भवती भएको चर्चा चलेको हो । एजेन्सी
प्रतिक्रिया दिनुहोस !
