अख्तियार अगाडि केसी समर्थक र प्रहरीबीच झडप
काठमाडौँ: अख्यितार दुरुपयोग अनुसन्धान आयोगको कार्यालय घेराउ गर्न टंगाल पुगेका अनशनरत प्राध्यापक डा. गोविन्द केसीका समर्थक र प्रहरीबीच झडप भएको छ ।
चिकित्साशास्त्र अध्ययन संस्थान ‘आईओएम’ परिसरबाट सुरु गरिएको र्यालीका सहभागीले निषेधित क्षेत्र तोड्न खोज्दा प्रहरीसँग झडप भएको हो । झडपका क्रममा प्रहरीले त्रिवि शिक्षण आवासिय चिकित्सक र चिकित्साशास्त्रका विद्यार्थी गरी ६ जनालाई नियन्त्रणमा लिएको छ ।
झडपका क्रममा प्रहरीले अन्धाधुन्ध लाठी प्रहार गरेको आन्दोलनकर्ताको आरोप छ । डा. केसीका सहयोगी एवम् चिकित्साशास्त्रका विद्यार्थी सुमन आचार्यका अनुसार प्रहरी नियन्त्रणमा रहेका चिकित्सक र विद्यार्थी छुटाउन गएका मानवअधिकारकर्मी लगायत अन्य चिकित्सक र विद्यार्थीलाई प्रहरी कार्यालयभित्र छिर्न निषेध गरिएको छ । उनीहरुलाई रिहाइको माग गर्दैै विद्यार्थी र चिकित्सकले महेन्द्र पुलिस क्लब अगाडि नाराबाजी गरिराखेका छन् ।
चिकित्सा शिक्षा र स्वास्थ्य सेवामा समान पहँुच हुनपर्ने, संसदमा पुर्याइएको प्रस्तावित मनोमोहन प्रतिष्ठान विधेयक फिर्ता हुनुपर्ने र अख्यिारका प्रमुख लोकमान सिंह कार्कीमाथि महाअभियोग लगाउनुपर्ने माग गर्दै डा. केसी १५ दिन देखि अनशनमा छन् ।
डा. केसी पक्ष र सरकारबीच पटकपटक भएका वार्ता असफल भएका छन् ।
प्रतिक्रिया दिनुहोस !
