कलंकी सबस्टेशनमा आगलागी
काठमाडौं : नेपाल विद्युत प्राधिकरणको कलकीं स्यूचाटारको सबस्टेनमा आगलागी भएको छ। भीषण आगलागीबाट करोडभन्दा बढी क्षति भएको छ।
महानगरीय प्रहरी वृत्त कालीमाटीका प्रहरी नायब उपरीक्षक हेमकुमार थापाले नेपाल प्रहरी, जुद्ध वारुणयन्त्र र नेपाल प्रहरीको दमकलले आगलागी नियन्त्रणमा लिएको जानकारी दिए । कुलेखानीबाट आएको विद्युत् प्रवाहमा समस्या आउँदा आगलागी भएको प्राधिकरण स्युचाटार सवस्टेसनका इलेक्ट्रिसियन शारदा देवकोटाले जानकारी दिए ।
“करिब १५ मिनेट विद्युत् प्रवाह बन्द भयो, सम्पूर्ण प्रणाली नै बन्द भयो, त्यसलाई नियन्त्रणमा लिने प्रयास गर्दा गर्दै पुनः दोस्रो पटक विद्युत् प्रणालीमा समस्या भयो र आगो लाग्यो । आगलागीबाट एउटा ठूलो ट्रान्सफर्मरमा क्षति पुगेको छ”देवकोटाले भने ।
कुन कारणले आगलागी भयो भन्ने बारेमा थप अध्ययन भइरहेको इलेक्ट्रिसियन देवकोटाले जानकारी दिए । काठमाडौँ उपत्यकाभर प्रसारण हुने सोे सवस्टेसनमा नै आगो लागेपनि वैकल्पिक उपाय अपनाएर विद्युत् आपूर्ति गरिने प्राधिकरणले जनाएको छ ।
आगलागी नियन्त्रण गर्ने क्रममा उपत्यकामा केही समय विद्युत आपूर्ति बन्द गरिएको थियो। आगो निभाउन चारवटा दमकल प्रयोग गरिएका थिए।
प्रतिक्रिया दिनुहोस !
