एउट गीतले चर्चित गायक
काठमाडौंः पपगायक सम्भोज मल्ल नेपाली संगीत क्षेत्रमा परिचित नाम हो । ६ वर्षअघि मल्लले आफ्नै शब्द, संगीत र स्वरमा बजारमा ल्याएको गीत ‘गोरी सुन रे’ सबैको ओठमा झुन्डिएको थियो । यही गीतका कारण उनी चर्चित भए । उनलाई स्वदेशदेखि विदेशसम्मका स्टेजमा पुर्यायो ।
संख्याभन्दा गुणस्तरलाई महत्व दिने मल्लले हालसम्म दुईवटा एल्बम बजारमा ल्याएका छन् । ‘सोलस' र ‘सनक' नामक एल्बममा समावेश सबै गीत चर्चित छन् । तेस्रो एल्बमको तयारीमा रहेका सम्भोजले २० भन्दा बढी गीतका शब्द लेखेका छन् र तिनमा संगीत भरेका छन् ।
गोरी सुन रे, जब साँझ पर्छ, सेतो घोडा र पर्खेर बस उनका अत्यधिक रुचाइएका गीत हुन् । सानै उमेरदेखि गीत संगीतमा रुचि राख्ने भएकै कारण यस क्षेत्रमा प्रवेश गरेको मल्ल बताउँछन् । दुई तीनवटा गीत हिट हुनेबित्तिकै स्टेज कार्यक्रमको माग बढ्ने उनको भनाइ छ ।
केही समयअघि मात्र रिलिज भएको देशभक्तिले ओतप्रोत गीत ‘नेपाल जिन्दावाद’का शब्द र संगीत पनि मल्लकै हुन् । यो गीतमा सविन लामाले स्वर दिएका थिए ।
प्रतिक्रिया दिनुहोस !
