पारस खड्का डकआउट हुँदा नेदरल्यान्डसलाई ९५ रनको झिनो लक्ष्य
काठमाडौँः विश्व क्रिकेट लिग च्याम्पियनसीप अन्तर्गत नेपालले नेदरल्यान्डसविरुद्ध निराशाजनक ब्याटिङ गरेको छ । नेदरल्यान्डसमा जारी खेलमा ३८.१ ओभरमा सबै विकेट गुमाउदै नेपालले नेदरल्याण्डलाई ९५ रनको झिनो लक्ष्य दिएको छ ।
नेपालका ब्याट्सम्यान ज्ञानेन्द्र मल्ल, अनिल मण्डल, शरद भेषावकर, पारस खड्का, राजु रिजाल, विनोद भण्डारी, सोमपाल कामी, करण केसी, सन्दीप लामिछाने आउट भए बसन्त रेग्मी नटआउट हुँदै खेल सकियो ।
ज्ञानेन्द्र मल्ल १२ बलमा २ चौकासहित ११ रन बनाएर आउट भए भने अनिल मण्डल ३९ बलमा २० रन बनाउदै क्याच आउट भए । सँगै शरद भेषावकर ७१ बलमा १४ रन मात्र बनाएर आउट भए भने पारस खड्का पहिलो बलमै गोल्डेन डकआउट भए ।
त्यस्तै सागर पुन ३१ बलमा ७ रन बनाएर आउट भए भने राजु रिजाल दुई बलमा ३ रन बनाउदै आउट भए भने विनोद भण्डारी १९ बलमा ९ रन बनाएर आउट भए । सँगै, सोमपाल कामी २८ बलमा १२ रन बनाउदै आउट भए भने करण केसी २ बलमा रन नबनाउदै आउट भए ।
कुनै पनि ब्याट्सम्यानले सन्तोषजनक ब्याटिङ गर्न नसक्दा नेपालको प्रदर्शन कमजोर रहयो ।
प्रतिक्रिया दिनुहोस !
