दलाई लामाको अँगालोमा सलमान खान
एजेन्सीः आध्यात्मिक गुरु दलाई लामा र भारतीय सुपरस्टार सलमान खानको भेटको प्रसंग मिडियामा छाएको छ । भेटमा अँगालो हालेर खिचिएको तस्बिर पनि सार्वजनिक भएको । सलमानले लामालाई लदाकमा भेटेका हुन् । सलमान उनको आउँदै गरेको फिल्म ‘ट्युबलाइट’ को सुटिङका लागि लदाक पुगेका थिए ।
आफूहरूको तस्बिर दलाई लामाले इन्टाग्राममार्फत सेयर गरेका हुन् । यो तस्बिरमा करिब २५ हजार फ्लोअरले मन पराएका छन् । ५० वर्षीय खान र लामा मज्जाले मुस्कुराइरहेको देखिन्छ । लामासँग सलमानको रोमानियन गर्लफ्रेन्ड लुलियाले पनि कुराकानी गरेको दृश्य देखिएको छ । लुलियाले लदाकमा घुमघाम गरेका तस्बिर पोस्ट गरेकी छिन् ।
सलमान एक महिनादेखि लदाकमा छन् । उनी निर्देशक कविर खानको फिल्ममा अनुबन्धित भएर काम गर्दै छन् । फिल्ममा चाइनिज नायिका झु झुले बलिउडमा डेब्यु गरेकी छिन । कविरले निर्देशन गरेको एक था टाइगर र बजरंगी भाइजानमा सलमानले राम्रै चर्चा पाइसकेका छन् ।
प्रतिक्रिया दिनुहोस !
