सउलः नेपाल रेडक्रस सोसाइटीका अध्यक्ष संजीव थापा दक्षिण कोरियाको प्रख्यात हान्सो विश्व विद्यालयबाट मानार्थ विद्यावारिधि (पिएचडी)ले दिक्षित भएका छन्।
दक्षिण कोरियाको सउलमा शुक्रवार आयोजित एक विशेष कार्यक्रममा हान्सो विश्वविद्यालयका सभापति डा. हामकी सूनले थापालाई सो सम्मान प्रदान गरेका हुन्।
समुदायको सेवा, विपद् व्यवस्थापन र मानवीय सेवाको क्षेत्रमा नेपाल रेडक्रस सोसाइटी र अध्यक्षबाट भएको योगदानको कदर गर्दै सम्मान प्रदान गरिएको हो। सम्मान प्रदान गरेकोमा नेपाल रेडक्रस सोसाइटीले एक विज्ञप्तिमार्फत आभार व्यक्त गरेको छ।
दक्षिण कोरियामा रहेको सो विश्वविद्यालय स्थापित संस्था हो। जसले मानविकी, सामाजिक विषयका साथै प्राविधिक विषयमा विभिन्न शैक्षिक कार्यक्रम सञ्चालन गर्दै अाएको छ।
प्रतिक्रिया दिनुहोस !
