मोटरसाइकल दुर्घटनामा दुईको मृत्यु
जनकपुरधामः धनुषा जिल्लाको जनकपुर ढल्केवर सडक खण्डमा सवारी दुर्घटनामा परि दुईजनाको मृत्यु भएको छ । शनिबार दिउँसो सडक खण्डको हजरा चोकमा विपरित दिशाबाट आइरहेको दुईवटा मोटरसाइकल दुर्घटना हुँदा दुई जनाको मृत्यु भएको हो ।
दुर्घटनामा परि एक जना गम्भीर घाइते भएका छन् । मृत्यु हुनेमा सर्लाही गौरीशंकर गाविस १ का ३२ बर्षीय मुकेश चौधरी र अर्का एकजनाको सनाखत हुन नसकेको प्रहरीले जनाएको छ ।
मृतक मुकेश चौधरीकी भाउजू सुष्मा चौधरी गम्भीर घाइते भएकी छन् । घाइते चौधरीलाई थप उपचारका लागि जनकपुर अञ्चल अस्पतालले धरान रिफर गरेको छ ।
ज ७ प ५७१७ नम्बरको जनकपुर आउँदै गरेको र विपरित दिशाबाट जाँदै गरेको ना ३६ प ९३१९ का मोटरसाइकल ढल्केबरबाट ३ किलोमिटर दक्षिण तर्फ रहेको हजरा चोकमा ठक्कर खाएको थियो ।
मोटरसाइकल तीब्र गतिमा चलाउदा दुर्घटना भएको प्रहरीको अनुमान छ ।