हल सिटीमाथि म्यानचेस्टर युनाइटेडको संघर्षपूर्ण जित
काठमाडौंः म्यानचेस्टर युनाइटेडले इंग्लिस प्रिमियर लिग फुटबलमा विजयी यात्रालाई कायमै राखेको छ।
गएराति भएको खेलमा हल सिटीमाथि १–० को संघर्षपूर्ण जित निकाल्दै युनाइटेडले विजयी यात्रालाई कायमै राखेको हो।
म्यानचेस्टर युनाइटेडलाई विजयी गराउन मार्कस र्यासफोर्ड नायक बने। ७१ औं मिनेटमा जुआन माटाको स्थानमा मैदान प्रवेश गरेका मार्कसले इन्जुरी समयमा गोल गरेका थिए।
मार्कसले कप्तान वाइन रुनीले मिलाएको पासमा आकर्षक गोल गरे। तेस्रो जितसँगै म्यानचेस्टर युनाइटेड ९ अंकका साथ लिग तालिकाको दोस्रो स्थानमा छ। पहिलो स्थानमा रहेको चेल्सीको पनि समान खेलबाट ९ अंक नै छ।
प्रतिक्रिया दिनुहोस !
