मन्त्रीसँग भक्कानिएर मृतकका परिवार

बनेपाः गत साउन ३१ गते काभ्रेको बिर्तादेउराली गाविसमा भएको बस दुर्घटनामा २७ जनाको ज्यान २७ जनाको मृत्यु भयो । बस दुर्घटनामा परिवार गुमाएका पीडि मन्त्री सामु भकानिएर रोए । १३ औँ दिनको पुण्य तिथिमा परिवारप्रति समवेदना प्रकट गर्न मृतका घरमै पुगेका भौतिक पूर्वाधार तथा यातायातमन्त्री रमेश लेखकलाई आफ्नो पीडा सुनाउदै पीडित रोहिरहे ।

आफ्नो पीडा र गुनासो पोख्न टनटलापुर घाममा घण्टौसम्म मन्त्री कुरिरहेका दुई दजर्न मृतक परिवारले गहभरी आँसु बगाउदै एक स्वरमा भने,  ‘मन्त्रीज्यू हाम्रो जस्तो दुःख र पीडा अब अरुलाई नपरोस्, यातायात र बाटोको कारण कसैको अकालमा ज्यान जानु नपरोस् ।’ मृतक पवरिवारले भक्कानिदै मन्त्री, सासंद र स्थानीय दलका नेतालाई भने, ‘खराव बाटो र यातायात व्यवसायीको दादागीरीले हाम्रो खुसी लुटियो । बाटोले हामीलाई अनाथ  र टुहुरा र अभिभावक विहिन बनायो ।’

कार्तिकेदेउराली ७ कि बविता बर्देवाले  भनिन्, ‘मन्त्रीज्यू दुर्घटनमा मैले मेरा बाबुमात्र मात्र होइन परिवारको भविष्य समेत गुमाएकी छु । म र मेरो साना ३ जना भाइबहिनी पढ्दै छौँ । दुई जना आमा हुनुहुन्छ कसरी बाच्ने हामी ? अब हाम्रो भविष्य के होला ?’ उनले भनिन् ।
मन्त्री लेखकले मृतकप्रति संवेदना प्रकट गर्दै  भने, ‘तपाईहरु अब चिन्ता नगर्नुहोस्  बाटो बनाउन म पहल गर्छु । यातायात व्यवस्थापन रुट परमीटका लागि स्थानीय राजनीतिक दल र सिडियोलाई अधिकार दिएको छु ।’

कोशीपारीका बिर्तादेउराली, कात्तीकेदउराली मादनकुडारी, गोठपानी गासिका दुई दर्जन मृतकका परिवार र आफन्तले मन्त्रीलाई सिन्डिकेट खारेज, सडकको मर्मत सुधार स्तर उन्नती र थोत्रा बस बन्द गर्न माग गरेका छन् ।

उनीहरुले आवश्यककता अनुसार बस थप्दै यातायात व्यवसायीको एकलौटी दादागीरी तत्काल अन्त्य गर्न समेत माग गरेका छन् ।