उद्योग वाणिज्य संघमा बैश्य निर्वाचित
नेपालगन्जः नेपालगञ्ज उद्योग बाणिज्य संघको अध्यक्षमा नन्दलाल बैश्य निर्वाचित भएका छन् ।
उनले कुल खसेको २ हजार ६ सय १० मध्ये १ हजार ४ सय ८० मत प्राप्त गरि निर्वाचित भएका हुन् । संघ निर्वाचन शनिबार भएको थियो भने आईतवार राती मतगणना सम्पन्न भएको हो ।
बैश्यका प्रतिद्वन्द्वी गोपाल प्रसाद अधिकारीले ५ सय ८२ र अर्का प्रत्याशी कपिल प्रसाद अधिकारीले ४ सय ५८ मत प्राप्त गरेको निर्वाचन अधिकृत भोला सिंह हमालले जानकारी दिए । दुबै उपाध्यक्षसहित बहुमत सदस्यमा पनि बैश्य समूहका उम्मेदवारले निर्वाचित भएका छन् ।
वाणिज्ज्यतर्फको उपाध्यक्षमा दुर्गाप्रसाद भण्डारी र उद्योग तर्फको उपाध्यक्षमा अब्दुल वाहिद मन्सुरी (चुन्ना) निर्वाचित भएका छन् ।
भण्डारीले ९ सय ९४ र मन्सुरीले १ हजार २ सय ४५ मत प्राप्त गरेका छन् । बाणिज्य तर्फका प्रत्यासी अमित बस्नेतले ८ सय ९१ र तनवीर जमाल हलवाईले ६ सय ३९ मत प्राप्त गरेका छन् । भने उद्योग तर्फका प्रत्यासी रचना श्रेष्ठले ६ सय ५० र प्रदिप गुप्ताले ५ सय ९७ मत प्राप्त गरेको निर्वाचन अधिकृत हमालले बताए ।
सदस्य पदमा ध्रुव दाहाल, आदेश अग्रवाल, तपेन्द्र विक्रम शाही, अजय कुमार टण्डन, रोहित टण्डन, हरिषचन्द्र श्रेष्ठ, श्यामसुन्दर अधिकारी, अभय बस्नेत, तारा कुमारी खत्री , अब्दुल वाहिद अन्सारी (बब्लु), टंक धामी र सुनिल सिंघल विजयी भएका छन् ।
बस्तुगततर्फको सदस्यमा रमेशबहादुर शाह र नारायण प्रसाद ज्ञवाली तथा एशोसियटतर्फ कन्हैयालाल बैद्य र सञ्जय जैन विजयी भएको निर्वाचन समितिले जनाएको छ । नवनिर्वाचित अध्यक्ष नन्दलाल बैश्यले सबै उद्योगी, ब्यवसायीलाई समेटेर लैजाने बताए ।
निर्वाचनमा एउटाको जीत र अर्काेको पराजय हुने भएकोले आफूले सामान्य रुपमा लिएको बताउँदै अध्यक्षका प्रत्यासीको भावनाको कदर गर्दै नेपालगन्ज उद्योग बाणिज्य संघमा काम गर्ने प्रतिवद्धता ब्यक्त गरेका छन् ।