काठमाडौंः सरकारले उपराष्ट्रपति नन्दबहादुर पुनको दक्षिण अमेरिकी मुलुक भेनेजुएला भ्रमणलाई स्वीकृति दिएको छ।
बिहीबार बसेको मन्त्रिपरिषदको बैठकले आउँदो असोज १ र २ गते भेनेजुयलाको मागारिता टापुमा हुने असंलग्न राष्ट्रहरुको शिखर सम्मेलनमा जाने उपराष्ट्रपति पुन नेतृत्वको भ्रमण टोलीलाई स्वीकृति दिएको सरकारका प्रवक्ता एवम् सूचना तथा सञ्चारमन्त्री राम कार्कीले जानकारी दिए।
नेपाल लामो समयदेखि असंलग्न आन्दोलनमा संलग्न रहँदै आएको छ। असंलग्न मुलुकको १७ औँ शिखर सम्मेलन यसअघि इरानको राजधानी तेहरानमा भएको थियो।
प्रतिक्रिया दिनुहोस !
