नबुझिएको यो मनको विशेष प्रदर्शन
काठमाडौंः तमु फिल्मस् प्रालिको ब्यानरमा निर्माण भएको चलचित्र ‘नबुझिएको यो मन’ को विशेष प्रदर्शन हुने भएको छ ।
पारिवारिक प्रेमकथामा आधारित ‘नबुझिएको यो मन’ अन्नपूर्ण चलचित्र मन्दिर बेसीसहर लमजुङमा असोज ७ देखि १३ गतेसम्म विशेष प्रदर्शन हुनेछ ।
यस चलचित्रमा समावेश ‘न्यानो न्यानो.....’ बोलको भिडियो बिहीबारबाट सार्वजनिक गरिएको छ जसमा रञ्जितकुमार सहानी र जुना प्रसाईंको स्वर रहेको छ भने संगीत विकास चौधरीको रहेको छ ।
सुनील महर्जन, सुमन गुरुङ, अस्मी गुरुङ, विष्णु गुरुङ, प्रतिमा गुरुङ, आदिको अभिनय रहेको ‘नबुझिएको यो मन’ मा नृत्य हरपल गुरुङ, धोज गुरुङको र निर्देशन जनक गुरुङको रहेको छ ।
प्रतिक्रिया दिनुहोस !
