परराष्ट्रमन्त्री महत चढेको विमान दुर्घटनाबाट जोगियो
काठमाडौँः परराष्ट्रमन्त्री प्रकाशशरण महत चढेको नेपाल एयरलाइन्सको विमान त्रिभुवन अन्तर्राष्ट्रिय विमानस्थलमा अवतरणका क्रममा ठूलो र्दुघनाबाट बचेको छ ।
भारत भ्रमणबाट नेपाल फर्किएका मन्त्री महत चढेको आर ए २०६ विमान अवतरणका क्रममा दुर्घटनामा परेकाे हो । विमानमा सवार परराष्ट्रमन्त्रीसहित अन्य यात्रु सकुसल छन् ।
परराष्ट्रमन्त्री चढेको विमान सामान्य दुर्घटनामा परेको विमानस्थलका सूचना अधिकारीलाई उद्धृत गर्दै परराष्ट्रमन्त्री महतका जनसम्पर्क तथा प्रेस संयोजक एकराज पाठकले अन्नपूर्णलाई जानकारी दिए ।
परराष्ट्रमन्त्री मन्त्री महतलाई स्वागत गर्न विमानस्थल पुगेका पाठकले भने, ‘विमान अवतरण गर्ने क्रममा टायरको हावा खुस्किएपछि विमान दुर्घटनाबाट जोगिएको छ ।’
पाठकका अनुसार विमानमा सवार मन्त्री र यात्रुलाई विमान रोकिएपछि गाडिको सहयोगमा विमानस्थलसम्म ल्याइएको छ ।
प्रतिक्रिया दिनुहोस !
