तपसीले गरिन् अमिताभको प्रशंसा
एजेन्सीः नायिका तपसी पन्नुले अमिताभ बच्चन उँचो व्यक्ति भए पनि उनको व्यवहार सरल र सामान्य भएको बताएकी छन् । उनले अमिताभ निकै सहयोगी र उमेरअनुसार व्यवहार गर्र्ने व्यक्ति भएको भन्दै प्रशंसा गरेकी हुन् । उनी पिंकमा अमिताभसँगै मुख्य भूमिकामा छिन् ।
सन् २०१३ मा चलचित्र ‘चस्मे बद्दुर’को रिमेकबाट करिअर सुरु गरेकी पन्नुले दोस्रो चलचित्र ‘बेबी’मा अक्षय कुमारसँग काम गरिसकेकी छन् ।
काम गर्दा अमिताभ बच्चनसँग निकै सहज हुने अनुभव उनले सुनाएकी हुन् । उनले भनेकी छन्, ‘अमिताभ निकै सजिला, सहयोगी हुनुहुन्छ । एकदमै सामान्य हुनुहुन्छ । सहकर्मी कलाकार जुनसुकै उमेरको भए पनि ऊसँग सुहाउँदो व्यवहार गर्न जान्नुहुन्छ ।’
पन्नुले चलचित्रमा सफलता पाउने सूत्र पनि बताएकी छन् । उनले भनेकी छन्, ‘यो क्षेत्रमा सफलता पाउने हो भने एउटैमा कमाल गरेर देखाउनुपर्छ । एउटा असफल भयो भने अर्कोका लागि कसैले सोध्नेवाला छैन ।’
प्रतिक्रिया दिनुहोस !
