शिव परियारको ‘उदाउँछ जुन पूर्णिमामा’ को भिडियो सार्वजनिक
काठमाडौँः गायक शिव परियारको आवाज रहेको उदाउँछ जुन पुर्णिामामा बोलको गीतको भिडियो सार्वजनिक भएको छ । प्रेम वियोगलाई विषयवस्तु बनाएको गीतले जीवनमा हुने धोकालाई भिडियोमा देखाएको छ।
राजेन्द्र गौतका शब्दले आधुनिक समयमा बढ्दै गएको युवाको अस्वभाविक व्यवहारमाथि कडा प्रहार गरेका छन् । आम युवापुस्ताको कथालाई भिडियोमा उतारिएको छ ।
गायक एवम् संगीतकार तुला पर्वतको संगीत समेटिएको छ भने गायिका श्रीषा कुवँर र निराजन प्रधानको अभिनय देख्न सकिन्छ ।
पछिल्लो समय अभिनयमा ब्यस्त बन्दै गएकी श्रीषालाई उनका प्रेमीले मन पराउनु र परिवारको अवरोधकाबीच पनि प्रेमीलाई दिएको साथ सँधैका लागि टुट्दाको पीडा गीतमा देख्न सकिन्छ ।
वाइड स्क्रिन मिडियाले बजार व्यवस्थापन गरेको भिडियोलाई उत्सव दाहालले छायांकन गरेका हुन् । युवराज वाइवाले निर्देशन गरेका हुन् भने सम्पादन निशान घिमिरेले गरेका छन् ।
प्रतिक्रिया दिनुहोस !
