काठमाडौं: अन्नपूर्ण अनलाइनका सम्पादक विष्णु सुवेदीलाई उत्कृष्ट युवा पत्रकार सम्मान प्रदान गरिएको छ। राजधानीमा मंगलबार आयोजित समारोहमा अन्नपूर्णकर्मी सुवेदीलाई यो सम्मान प्रदान गरिएको हो।
उक्त समारोहमा नागरिक दैनिकका प्रधानसम्पादक गुणराज लुइँटेललाई राष्ट्रिय पत्रकारिता सम्मान प्रदान गरिएको थियो। उत्कृष्ण युवा पत्रकार सम्मान अनलाइनतर्फ अन्नपुर्ण डटकमका सम्पादक सुवेदी, टेलिभिजनतर्फ न्यूज २४ का समाचार प्रमुख सुशील अर्याल, प्रधानमन्त्रीसँग सिधा कुराका संयोजक तथा सभामुखका प्रेस सल्लाहकार बवीन सर्मा र रेडियोतर्फ थाहा सञ्चारगृहका समाचार सम्पादक दिपेन्द्र कुँवरलाई प्रदान गरिएको छ। पूर्वप्रधानन्यायाधीश कल्याण श्रेष्ठले उक्त सम्मान प्रदान गरेका हुन् ।
युवाका लागि क्रियाशिल सरकारी संघसस्ंथाको छाता सगंठन नेपाल स्वतन्त्र युवा संघले उक्त सम्मान प्रदान गरेको हो । विभिन्न क्षेत्रमा क्रियाशिल युवा प्रतिभाहरुलाई संघले वर्षेनी सम्मान गर्दै आएको संस्थाका अध्यक्ष विशाल गैरेले बताए ।
नेपालको युवाअभियानलाई संसारभर चिनाउन अमेरिकामा बसेर युवा अभियानमा चलाएका राम गुरुङ् नेपाली बैंकर सुरेश देवकोटा, त्रि.विबाट सामाजिक कार्य विषयको परीक्षमा सर्वोत्कृष्ट नतिजा ल्याउने प्रतिक्षा शर्मा र नेपालको शिक्षा र सिपको क्षेत्रमा क्रियाशिल दावा लामालाई सम्मान प्रदान गरिएको छ ।
प्रतिक्रिया दिनुहोस !
