अहिलेसम्म आफूभन्दा कम उमेरको भूमिका निर्वाह गर्दै आएका बलिउड अभिनेता सलमान खान आफूभन्दा बढीको उमेरको अभिनय गर्ने भएका छन् ।
यशराज व्यानरबकाट बन्ने ‘एक था टाइगर’को सिक्वेल फिल्म ‘टाइगर जिन्दा है’मा सलमानको भूमिका १७ वर्षदेखि ७० वर्षसम्मको देखिने छ । सलमान पहिलोपटक पाको उमेरको अभिनयमा देखिन लागेका हुन् ।
फिल्म निर्माणका क्रममा निर्देशक पनि परिवर्तन गरिएको छ । कविर खानको सट्टा सुल्तानका निर्देशक अली अब्बास जफरले यस फिल्मको निर्देशन गर्नेछन् । सलमानलाई पहिले कहिल्यै नदेखिएको भूमिकामा यस फिल्ममा देखिने दाबी गरिएको छ ।
सुल्तानमा अली अब्बास जफरले सलमानलाई संर्घष गरेर बिजेता बनेका रेसलरको रुपमा देखाएका थिए भने अब टाइगर जिन्दा हैमा नयाँ रुपमा ल्याउने योजना बनाएका छन् । यस ब्यानरको यो फिल्मको कहानी भने गोप्य राखिएको छ ।
उक्त फिल्मको निर्माण सम्पन्न गरी आगामी २०१८को मे महिनामा इद पर्वका अवसरमा रिलिज गर्ने योजना छ ।
प्रतिक्रिया दिनुहोस !
