प्रधानमन्त्री प्रचण्ड र भारतीय विदेशमन्त्री स्वराजबीच भेटवार्ता
भदौ ३१, २०७३ शुक्रबार ११:५०:०
नयाँदिल्लीः प्रधानमन्त्री पुष्पकमल दाहाल प्रचण्ड र भारतीय विदेशमन्त्री सुष्मा स्वारजबीच शिष्टाचार भेटवार्ता भएको छ।
भारतको चारदिने राजकीय भ्रमणमा रहेका प्रधानमन्त्री प्रचण्डले भ्रमणको दोस्रो दिन भारतीय विदेशमन्त्री स्वराजलाई भेटेका हुन्।
भारतीय राष्ट्रपति भवनमा शुक्रबार बिहान भएको भेटवार्तामा दुई देशबीचको आपसी हित र सम्बन्धबारेमा उनीहरुबीच छलफल भएको थियो। विदेशमन्त्री स्वराजसँगको भेटवार्तामा प्रधानमन्त्री प्रचण्डसँगै परराष्ट्र मन्त्री डा. प्रकाशशरण महत र भौतिक पूर्वाधार तथा यातायात व्यवस्था मन्त्री रमेश लेखक पनि सहभागी थिए।
स्वराजसँग भेट गर्नुअघि प्रधानमन्त्री प्रचण्डले महात्मा गान्धीको समाधिस्थल राजघाट पुगेर पुष्प अर्पण गरेका थिए। प्रधानमन्त्री प्रचण्डले शुक्रवारै भारतका राष्ट्रपति प्रणव मुखर्जी र समकक्षी नरेन्द्र मोदीसँग भेटवार्ता गर्नेछन्।
प्रतिक्रिया दिनुहोस !
