काठमाडौं: गायिका सेलिना कुवँरले एकपछि अर्को म्युजिक भिडियो बजारमा ल्याएकी छन्। सांगीतिक क्षेत्रमा उदाउँदै गरेकी गायिका कु्वँरले ‘फूलैसरी फुल्ने माया’ बजारमा ल्याएकी हुन्।
पत्रकार शिवराज योगीका शब्द रहेको ‘तिम्लाई दुख्दा व्यर्थैमा पो मेरो मुटु दुख्दो रैछ’ गीतको म्युजिक भिडियो सार्वजनिक भएको थियो। जुन गीतमा सारु उप्रेती र साैगात राेकाले अभिनय गरेका थिए। उक्त गीत सार्वजनिक भएको एक साता नबित्दै सेलिनाको दोस्रो गीत बजारमा आएको हो।
अविरल गौतमको शब्द रहेको फूलैसरी फुल्ने मायाँ गीतमा सन्तोष राजले संगीत दिएका छन्। एकान्त मगरले निर्देशन गरेको भिडियोमा अर्जुन खड्का, निलम बराइली र सर्मिला थापाले अभिनय गरेका छन्।
गायिका सेलिनाले हालसम्म झण्डै एक दर्जन गीतमा आवाज दिएकी छन्। उनले निकट भविश्यमै चर्चित गायक उदितनारायण झासँग युगल गीत गाउन लागेको बताइन्।
प्रतिक्रिया दिनुहोस !
