नुवाकोटको नजरामण्डपमा सिटिजन्स्को शाखा
काठमाडौः सिटिजन्स बैंक इन्टरनेसनले नुवाकोट जिल्लाको नजरामण्डप गाविसमा शाखारहित बैंकिङ सेवा सञ्चालनमा ल्याएको छ ।
यूके एडको लगानीमा सञ्चालित एक्सेस टु फाइनान्स कार्यक्रमको सहकार्यमा भूकम्प अति प्रभावित जिल्लामा शाखारहित बैंकिङ प्रणालिमार्फत वित्तीय पहुँच पुर्याउन बैंकले नुवाकोट जिल्लाको नजरामण्डप गाविसमा नयाँ शाखा सञ्चालनमा ल्याएको जनाएको छ ।
बैंकका अनुसार स्थानीय व्यवसायी विष्णुप्रसाद भण्डारीलाई व्यावसायिक प्रतिनिधि नियुक्त गरेको छ । शाखारहित बैंकिङबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवा सञ्चालन सेवाको भुक्तानीलगायत बैंकले प्रदान गर्ने अन्य सेवा उपलब्ध गराउने बैंकले जनाएको छ ।
प्रतिक्रिया दिनुहोस !
