इलाममा दुर्घटनाः पाँचथरका एलडिओसहित ६ जना घाइते
इलामः पाँचथरका स्थानीय विकास अधिकारी कोमलप्रसाद धमलासहित कर्मचारी चढेको जिल्ला विकास समिति पाँचथरको गाडी दुर्घटना भएको छ । मेची राजमार्ग अन्तरगत पाँचथर इलाम सडक खण्डको पुवाखोलामा दुर्घट्ना हुँदा धमलासहित ६ जना घाइते भएका छन् ।
जिविस पाँचथरको मे १ ज ३७३ नम्बरको गाडी बिहीबार बिहान इलामको पुवाखोला नजिकै मिलगोलाई भन्ने स्थानमा सडकबाट करिव ५० मिटर तल खसेको जिल्ला प्रहरी कार्यालय पाँचथरले जनाएको छ ।
दुर्घटनामा परेका धमलाको हात भाँचिएको छ । गाडीमा सवार जिल्ला प्राविधिक कार्यालय पाँचथरकी सह लेखापाल कौसिला दाहालको खुट्टा र जिल्ला मालपोत कार्यालय पाँचथरका कर्मचारी बिनोद ढुंगेलको ढाडमा चोट लागेको छ ।
जिविस पाँचथरका कार्यालय सहयोगी विजय कार्की र चालक बीरबहादुर तामाङका छोरा पनि घाइते छन् ।उनीहरुलाई उपचारका लागि इलाम अस्पतालमा पुर्याइएको छ ।
प्रतिक्रिया दिनुहोस !
